अमेरिकी विधुतिय सवारी साधन निर्माता कम्पनी टेस्ला सीईओ एलन मस्क बुधबार ५०० अर्ब डलरको कुल सम्पत्ति भएका विश्वकै पहिलो व्यक्ति बनेका छन् ।टेस्लाको सेयरमा भएको वृद्धि र उनका अन्य प्राविधिक कम्पनीहरूको द्रुत गतिमा बढ्दो बजार पुँजीकरणका कारण उनले यो उपलब्धि हासिल गरे । फोर्ब्सका अर्बपतिहरूको सूचीअनुसार बुधबार साँझ ४ः१५ बजे (पूर्वी समय) सम्म मस्कको कुल सम्पत्ति ५००.१ अर्ब डलर थियो ।
मस्कको सम्पत्तिको एक महत्त्वपूर्ण हिस्सा टेस्लासँग जोडिएको छ । सेप्टेम्बर १५ सम्म, मस्कको टेस्लामा १२.४५ भन्दा बढी सेयर थियो । यस वर्ष अहिलेसम्मको अवधिमा टेस्लाको सेयर १४५ भन्दा बढीले बढेको छ र बुधबार यो अरु ३.३५ ले बढ्यो । जसले गर्दा मस्कको सम्पत्ति एकै दिनमा ६ अर्ब डलरभन्दा बढ्यो । वर्षको सुरुमा टेस्लाको सेयर घटेको थियो, तर अब पुनः बढ्न थालेको छ । मस्कले फेरि आफ्नो व्यवसायमा ध्यान केन्द्रित गर्न थालेपछि लगानीकर्ताको विश्वास अझ बढेको छ ।
मस्क अब कम्पनीमा पूर्ण रूपमा सक्रिय रहेको टेस्लाको निर्देशक बोर्डका अध्यक्ष रोबिन डेनहोमले गत महिना भनेका थिए । केही महिनाअघि ह्वाइट हाउससँग सम्बन्धित काममा व्यस्त थिए । केही दिनपछि मस्कले टेस्लाको भविष्यमा आफ्नो बलियो विश्वास प्रदर्शन गर्दै लगभग १ अर्ब डलर बराबरको टेस्ला सेयर खरिद गर्ने घोषणा गरे । कम्पनी अब परम्परागत कार निर्माताभन्दा बाहिर जान र एआई र रोबोटिक्सको संसारमा एक प्रमुख शक्ति बन्न काम गरिरहेको छ ।
टेस्लाको निर्देशक बोर्डले गत महिना एलोन मस्कको लागि १ ट्रिलियन डलर (लगभग ८३ लाख करोड रुपैयाँ) क्षतिपूर्ति योजना प्रस्ताव गरेको थियो । यस वर्ष मस्कको एआई कम्पनी एक्सएआई र रकेट कम्पनी स्पेस एक्सको बजार पुँजीकरणमा पनि उल्लेखनीय वृद्धि भएको छ । पिचबुकको तथ्याङ्क अनुसार जुलाईमा एक्स एआई को मूल्याङ्कन लगभग ७५ बिलियन डलर थियो ।
फोर्ब्सको सूचीमा मस्कपछि दोस्रो धनी व्यक्ति ओरेकलका संस्थापक ल्यारी एलिसन हुन् । बुधबारसम्म उनको कुल सम्पत्ति लगभग ३५०.७ अर्ब डलर थियो ।एजेन्सी
प्रतिक्रिया